2.601 to 2.626

601 Διακωχή: διάλειψιϲ. 602 Διακωλύω· αἰτιατικῇ. 603 Διακραδαίνων: ϲείων. 604 Διακριδόν: διακεκριμένωϲ. 605 Διακριθέν: διαχωριϲθέν, διϋλιϲθέν. καὶ μέντοι διακριθὲν πρότερον ὑπὸ τοῦ λεγομένου ἠθμοῦ. 606 Διακρίνεται: ἀμφιβάλλει, ἀπιϲτεῖ, διαχωρίζεται. καὶ Διακρίνομαι, τὸ χωρίζω· δοτικῇ. 607 Διακρούεϲθαι: ἐξωθεῖν· ἢ ὑπερτίθεϲθαι, καὶ ἄλλοτε ἄλλωϲ διαναβάλλεϲθαι. καὶ Διακρούω· αἰτιατικῇ. 608 Διάκτωρ: διάκονοϲ, ἄγγελοϲ, ἀπαγγέλλων. 609 Διακυβιϲτῶ· αἰτιατικῇ. 610 Διακυκῶϲι: διαταράττουϲι. 611 Διαλαβών: διαδεξάμενοϲ. καὶ διαλαβόντεϲ, ὅϲα χρυϲοῦ καὶ ἀργύρου εἴχετο ϲυγχωνεύϲαντεϲ. ἢ καὶ διαλαβόντεϲ ἐξῆλθον νυκτόϲ. 612 Διαλαβών: προκαταϲχών. ὁ δὲ διαλαβὼν τὰϲ ὁδοὺϲ φυλακαῖϲ. 613 Διαλλαγή: εἰρήνη. ὦ Κύπριδι τῇ καλῇ καὶ Χάριϲι ταῖϲ φίλαιϲ ξύντροφε διαλλαγή. ἐπειδὴ γάμοι καὶ ἑορταὶ ἐν καιρῷ τῆϲ εἰρήνηϲ ἄγονται. ἢ ὅτι ἡδίϲτη καὶ ἐπίχαρίϲ ἐϲτιν. 614 Διαλλαγῆναι: τὸ διʼ αὐτοῦ τοῦ ἐχθροῦ παρακληθῆναι καὶ φιλωθῆναι. ἐναλλαγῆναι δὲ τὸ ἀπὸ φιλίαϲ εἰϲ φιλίαν ἄλλου μεταπηδῆϲαί τινοϲ, ἐχθροῦ ὄντοϲ τὸ πρότερον. 615 Διαλαγχάνειν: διαμερίζεϲθαι, διακληροῦϲθαι. τὸ διαιρεῖϲθαι κλήρῳ. διάληξιϲ δὲ τὸ πρᾶγμα. 616 Διαλλακτήϲ: φιλώτηϲ. Ἀριϲτοφάνηϲ· διαλλάττεϲθε καὶ ξυμβαίνετε. ἀντὶ τοῦ φιλιοῦϲθε. 617 Διαλαμβάνει· αἰτιατικῇ. ὑπονοεῖται. ἡ δὲ εὐμηχάνωϲ διαλαμβάνει καὶ δεῖται τῶν Καβείρων τιμωρῆϲαι αὐτῇ καὶ μετελθεῖν τὸν ἐπίορκον. 618 Διαλαμβάνων: ὑπομνηματίζων, ϲυγγράφων. 619 Διαλλάττειν πρὸϲ ἡμᾶϲ ἀνδράϲι Λακωνικοῖϲ, οἱϲι πιϲτὸν οὐδέν, εἰ μή περ λύκῳ κεχηνότι. ἡ παροιμία ἐπὶ τῶν τὰ ἀλλότρια διαρπαζόντων. ὃν γὰρ τρόπον λύκοιϲ οὐκ ἔϲτι πίϲτιϲ, οὐδὲ τούτοιϲ. τὸ δὲ κεχηνότι, ἐπὶ τῶν μάτην χαινόντων. 620 Διαλλάττω· τὸ ϲυμβιβάζομαι· δοτικῇ. ὕπαγε, πρῶτον διαλλάγηθι τῷ ἀδελφῷ ϲου. διαλλάττω δὲ αἰτιατικῇ· διαλλάξαντεϲ τὰ ὅπλα πρὸϲ ἀλλήλουϲ. 621 Διαλαχεῖν: τὸ διανεμεῖϲθαι οἱ ῥήτορεϲ εἰρήκαϲιν, ἀπολαχεῖν δέ τὸ διανείμαϲθαι τὰ πατρῷα· ζήτει ἐν τῷ ἀπολαχεῖν. 622 Διὰ λαίλαποϲ. 623 Διαλέγεϲθαι: τὸ ϲυνουϲιάζειν. 624 Διαλέγομαι· δοτικῇ. 625 Διαλέγουϲαν: διοικοδομοῦϲαν. λέγειν γὰρ τὸ οἰκοδομεῖν. καὶ Διαλέγου, διορύττου. Θουκυδίδηϲ. 626 Διαλέγοιντο γυναιξίν: ὁμιλοῖεν ἢ ϲυνουϲιάζοιεν. οὕτωϲ Ἱεροκλῆϲ.