Volume 9.2

Περὶ στρατείας. Ὁ δὲ τὸν τοῦ Ἄρεως ἔχων ἐν τούτῳ καλῶς ἐσχηματισμένον ἀπὸ κακῶν σχηματίσεται καὶ περιουσίαν ἕξει καὶ τὰ ἀπὸ †ἀλγαίων† καὶ ἐπιτρόπων. πολλοὺς δὲ ἐχθροὺς ἕξει καὶ ἀδελφοὺς προαναιρήσει καὶ γυναῖκα ἀποβαλεῖ καὶ πολλὰ ἀποδ<ραμεῖται> καὶ ἐπὶ τετράποσι ἑθήσεται. ἀλλοτριωθεὶς δὲ τῶν ἑαυτοῦ περιαχθήσεται ἐπὶ ξενῶν διὰ τὸ ἀποσχίζεσθαι τοὺς δύο ἵππους καὶ κτηνοτροφήσει καὶ ἱππηλατήσει δ<ιὰ> τὸν δρομέα καὶ τὴν μάστιγα καὶ τὸν τροχόν. ἐὰν δὲ καὶ κακόσχημος ᾖ ὁ ἀστήρ, ἀπὸ τούτων βλαβήσεται καὶ πόδας κλάσει καὶ μαστιγωθήσεται· καὶ φεύξεται εἰς ἀλλοδαπὴν διὰ τὸν γυμνὸν δρομέα, ὑπὸ δὲ ἀγρίων θηρίων ἐπηρεασθήσεται καὶ φεύξεται εἰς ἀλλοδαπὴν διὰ τὸν κύνα. πρὸς δὲ τῷ τέλει βλάβας ἕξει καὶ αἰσχρῶς [καὶ] κακοφημούμενος καὶ τῶν ἀναγκαίων δεόμ<ενος> . . . . . . . . . . . . . . . . . . <Περὶ ὀρέξεως καὶ κοινωνίας. >. . . . . . . . . . . . . . . . . . . . . . . . . <διὰ τὰ ὀπίσθια μέρη τοῦ κατὰ> τὴν δωδεκάωρον κυνός. Περὶ τρόπου καὶ ἤθους καὶ λόγου. Ὁ δὲ τὸν τοῦ Ἑρμοῦ ἔχων ἐν τούτῳ κακῶς κείμενον νεκρὸς τὴν διάνοιαν ἔσται, εἰ καὶ δηναιὸς καὶ νωδὸς καὶ ἄφρων. πεφαντασμένος δὲ ἔσται τὴν διάνοιαν καὶ ἐξεστηκὼς διὰ τὸ ἱππικὸν ἅρμα καὶ τὸ μέρος τοῦ ἡνιόχου καὶ τὸν κύνα, καὶ πρὸς τῷ τέλει ἐκτὸς τῶν φρενῶν καὶ ληρήσας ἀπολεῖται· τὰ γὰρ ὀπίσθια τοῦ