Vettii Valentis Anthologiarum liber I., ιϚ΄. Ἀναβιβάζοντα ἀπὸ χειρὸς εύρεῖν.

Ἀναβιβάζοντα δὲ ἀπὸ χειρὸς εὑρεῖν, τὰ πλήρη ἔτη ἀπὸ Αὐγούστου λαβὼν πολυπλασίασον ἐπὶ τὸν ιθ΄ γ΄ καὶ ἑκάστου μηνὸς Αἰγυπτίου ἀνὰ μοῖραν α΄ ε΄ λε΄, ἑκάστης δὲ ἡμέρας ε΄γ΄ συνθεὶς ἀφαίρει τοῖς πρώτοις ἀνὰ τξ΄. τὸν δὲ καταλειπόμενον ἀριθμὸν ἀνωφερῶς ἀπὸ Καρκίνου δίδου ἑκάστῳ ζῳδίῳ ἀνὰ λ΄ καὶ ὅπου δἂν καταλήξῃ, ἐκεῖ ἔσται ὁ ἀναβιβάζων. οἶον Ἀδριανοῦ δ΄ Φαμενὼθ τθ΄· τὰ ἀπὸ Αὐγούστου πλήρη ἔτη ρμη΄ ταύτας ἐπὶ τὸν ιθ΄ τρίτον γίνονται βωξβ΄· καὶ ἀπὸ Θὼθ ἕως τοῦ Φαμενὼθ συνάγονται μοῖραι ι΄ γίγνονται ὁμοῦ βωοβ΄. αἱρῶ κύκλους ἐκ τούτων ζ΄ ἀνὰ τξ΄ λοιπαὶ καταλείπονται τνβ΄. ταύτας ἀνωφερῶς ἀπὸ Καρκίνου· καταλήγει εἰς τὴν τοῦ Λέοντος μοῖραν η΄ ἔσται οὖν ὁ ἐκλειπτικὸς τόπος ἐνταῦθα, ὁ δὲ καταβιβάζων τῷ διαμέτρῳ.