Latin · Dactylic hexameter
Part 4, XI. in Sancti Simonis Zelotae.
Aldhelm, Ald. Carm. eccl. 4.11
Not analysed yet
Simon Zelotes necnon Cananeus idem,
Inter apostolicos Petri cognomine functus;
Coetus qui docuit gentiles dogma supernum,
Ut celsum peterent caelesti tramite regnum;
Cuius in hac aula sacra conservabitur ara,
Dum polus et tellus ac ponti flustra fatescant,
Donec supremis scintillent saecla favillis
Et mundi moles montes collesque liquescant
Atque creaturae cerarum fluxus adinstar
Machina succumbat flamma crepitante per orbem.