Latin
13
Augustine, Manuale [Incertus] 13
Unproofread scanNot analysed yet
CAPUT XI. Item gratiæ lacrymarum et opis divinæ. Inter sacra præsertim mysteria. Pulcherrime Jesu Christee, rogo te per illam sacratissimam effusionem pretiosi sanguinis tui quo redempti sumus, da mihi cordis contritionem et lacrymarum fontem, præcipue dum preces et orationes tibi offero, dum tuæ laudis tibi psalmodiam decanto, dum mysterium nostræ redemptionis, manifestum misericordiæ tuæ indicium, recolo vel profero, dum sacris altaribus licet indignus assisto cupiens offerre illud mirabile et cœleste sacrificium omni reverentia et devotione dignum, quod tu, Domine deus meus, sacerdos immaculate, instituisti, et offerri præcepisti in commemorationem tuæ charitatis (Luc. XXII, 19 ),mortis scilicet et passionis, pro salute nostra, pro quotidiana nostræ fragilitatis reparatione. Confirmetur mens mea inter tanta mysteria dulcedine præsontiæ tuæ, sentiat te sibi adesse, et lætetur coram te. Ignis qui semper luces, amor qui semper ardes, dulcis Christe, bone Jesu, lumen æternum et indeficiens, panis vitæ qui nos reficis, et in te non deficis; quotidie comederis, et semper integer manes: resplende mihi, accende me, illumina et sanctifica vas tuum, de malitia evacua, imple de gratia et plenum conserva; ut ad salutem animæ meæ manducem cibum carnis tuæ, quatenus manducando te, vivam de te, vadam per te, perveniam ad te, et repausem in te. O dulcedo amoris et amor dulcedinis, comedat te venter meus, et nectare tui amoris repleantur viscera mea, ut eructet mens mea verbum bonum. Charitas Deus meus, qui mel dulce, lac niveum, cibus es grandiumm, fac me crescere in te, ut sano palato possis manducari a me.