Latin
XX. Ludus Septem Sapientum. Ausonius Consul Drepanio Procons. sal., Bias.
Ausonius, Opuscula 20.7
Not analysed yet
Bias Prieneus 〈sum〉: dixi Οἱ πλεῖστοι ϰαϰοí:
Latine dictum suspicor Plures mali.
dixisse nollem: veritas odium parit.
malos sed inperitos dixi et barbaros,
qui ius et aequum 〈et〉 sacros mores neclegunt.
nam populus iste, quo theatrum cingitur,
totus bonorum est. hostium tellus habet,
dixisse quos me creditis, plures malos.
sed nemo quisquam tam malus iudex fuat,
quin iam bonorum partibus se copulet.
sive ille vere bonus est seu dici studet,
iam fugit illud nomen invisum mali.
abeo. valete et plaudite, plures boni.