Latin · Elegiac couplet
〈Epigrammaton Liber.〉, IIII. ad Fontem Danuvii Iussu Valentiniani aug.
Ausonius, Opuscula 37.4
Not analysed yet
Illyricis regnator aquis, tibi, Nile, secundus,
Danuvius laetum profero fonte caput.
salvere Augustos iubeo, natumque patremque,
armiferis alui quos ego Pannoniis.
nuntius Euxino iam nunc volo currere ponto?
ut sciat hoc superum cura secunda Valens,
caede fuga flammis stratos periisse Suebos
nec Rhenum Gallis limitis esse loco.
quod si lege maris refluus mihi curreret ammis,
huc possem victos inde referre Gothos.