Latin · ~2 min
12
Ausonius, Parentalia 12
Not analysed yet
SI qua fuit virtus, cuperet quam femina prudens
esse suam, soror hac Dryadia haud caruit,
quin etiam multas habuit, quas sexus habere
fortior optaret nobilitasque virum,
docta satis vitamque colu famamque tueri,
docta bonos mores ipsa suosque docens,
et verum vita cui carius unaque cura
nosse deum et fratrem diligere ante alios.
coniuge adhuc iuvenis caruit, sed seria vitans
moribus austeras aequiperavit anus
produxitque hilarem per sena decennia vitam,
inque domo ac tecto, quo pater, oppetiit.