Latin · ~2 min
17
Ausonius, Parentalia 17
Not analysed yet
NEC germana genitum te
modulamine nenia tristi
tacitum sine honore relinquat,
super indole cuius adulti
magnae bona copia laudis.
verum memorare magis quam
functum laudare decebit.
decus hoc matrisque meumque
in tempore puberis aevi
vis perculit invida fati.
eheu quem, Maxime, fructum,
facunde et musice et acer,
mentem bonus, ingenio ingens,
volucer pede, corpore pulcher,
lingua catus, ore canorus.
cape munera tristia patrum,
lacrimabilis orsa querellae,
quae funereo modulatu
tibi maestus avunculus offert.