Latin
18
Ausonius, Parentalia 18
Not analysed yet
QUI ioca laetitiamque colis, qui tristia damnas
nec metuis quemquam nec metuendus agis,
qui nullum insidiis captas nec lite lacessis,
sed iustam et clemens vitam agis et sapiens,
tranquillos manes supremaque mitia Sancti
ore pio et verbis advenerare bonis,
militiam nullo qui turbine sedulus egit,
praeside laetatus quo Rutupinus ager,
octoginta annos cuius tranquilla senectus
nullo mutavit deteriore die.
ergo precare favens, ut qualia tempora vitae,
talia et ad manes otia Sanctus agat.