Latin
In Regulum aviculam tempore frigido et hiema licantantem, pluviaeque indicem
Bebel, Opuscula nova 4.10
Unproofread scanNot analysed yet
Regule parve ales partum genuisse sinistro
Te reor Alecto sub phlegethontis aquis.
Ut sileant cunctae volucres sub frigore brumae
Deliteatque suo vel genus omne specu.
Solus ad innumeros numeros modulamina fundis
Voceque multisona gaudia multa refers.
Vere canis pluvio laetissimus, atque sereno
Tempore venturus, si canis, imber adest.
Hinc cur rex volucrum possis vel iure vocari
Ambigo, cum minimus corpus inerme geras.
At reor alituum cum sis durissimus ipse
Tempore quod gelido gaudia solus habes.
Vel qui appellavit parcas quod parcere nulli
Consueverint, nomen Regule parve dedit.