Latin
4.11
Bebel, Opuscula nova 4.11
Unproofread scanNot analysed yet
Tu qui doctoris sumis tibi stemmata magni
Desine, cum foveat nulla Minerva caput.
Stulta est in solo titulo, atque insignibus altis
Gloria, si rerum pondera deficiant.
Quippe miser rex si nullo dominabere regno
Quis non deridet nomen inane ducis?
Sic tu cui gelidam spirant praecordia Lethen
Pomposum fugias nomen habere rudis.