Latin · Elegiac couplet
Conquestio in avaritiam puellarum, quia nemo nisi dives ametur.
Bebel, Opuscula nova 4.14
Unproofread scanNot analysed yet
O miseros iuvenes quibus est non ampla supellex
In domibus, sed quos bella puella premit.
Praeteriere diu felicia saecula quando
Carior argento pallor amantis erat.
Iamiam prostibulae nullum (nisi sacculus ingens
Sit comes) ardebunt auriferique Midae.
Nec doctrina valet, Plato sis doctissimus ipse
Si careas nummis, cogeris ire foras.
Pelleris a foribus, si quando intrabis amicae
Atria, carnificem, si det, amare solent.
Nec genus, aut quemquam virtus in amore iuvabit.
Queritur imprimis dives an esset inops.