Latin · Elegiac couplet
In Zoilum Raucum qui cum sit indoctissimus profitetur tamen se Poetam.
Bebel, Opuscula nova 4.15
Unproofread scanNot analysed yet
Zoile doctiloquos solitus carpsisse Poetas
Quos fovet et Phoebus Pieriusque chorus,
Atque tuos toties solitus tempsisse magistros
Omnibus insultans quos sacra Pallas amat.
In numero Vatum stultissime dicier optas
Et tibi iam titulos sumis inepte novos.
Tu Flaccum laudas, miraris carmina Vatum
Tamquam mellifluo sis Helicone satus.
Scribere clericulis cum vix exponere possis,
Et qui cum beta noveris alpha parum.
Omnibus in triviis Rauco foedissimus ore
Insontem ab latras me lacerasque virum.
O te imprudentem perstes laesisse Poetas
In pharetra quorum spicula mille latent.
Cornua mille geras, tu sis cornutus et usque
Durior et cornu sis licet ipse lapis.
Experiere tamen musas effringere doctas
Pectus barbaricum cornigerumque caput.
Utque omnis mihi sit vindictae dempta facultas
Pierides vires et sua tela dabunt.