Latin · Elegiac couplet
Paraenesis Bebeliana ad iuventutem ne pravis mulieribus nimium credat.
Bebel, Opuscula nova 4.19
Unproofread scanNot analysed yet
Fidere non nimium iubeo cirrata iuventus
Virginibus pulchris femineoque choro.
Verba puellarum vento leviora feruntur
Optima iam, novit fallere si qua virum, est
Hoc doceo male, praeceptor delusus ab illis
Dum mihi vel felix dumque beatus eram.
Sed tu qui nostris gaudes de casibus oro
Ne tibi contingat vel mage dura cave.
Namque ego dum afflictis olim insultasse solebam
Nunc trahor in poenam risus et ipse aliis.