Latin · Elegiac couplet
Contra meretricem singulis detrectantem.
Bebel, Opuscula nova 4.18
Unproofread scanNot analysed yet
Quid vos o fratres meretrix foedissima turbat
Opprobrio linguae denteque vipereo.
Quis precor edoceat? corvos cecinisse suave
Deque suo cantu noscitur omnis avis.
Quid mihi si de me referant praeclara latrones
Proderit, aut Verres vel Catilina nepos.
Dedecus est pravis, ut nos docuere sophorum
Dogmata, laudari vel placuisse malis.
Tunc tua laus agitura cum displicuisse videris
Perversaeque lupae Zelotypoque seni.
Scitis enim cuncti quam vulgatissima cunctis
Presbyteris meretrix sit, cupidisque procis,
Turpis, avara, salax, lasciva, petulca, bilinguis,
Et qua nil Phoebus peius in orbe videt.