Latin
In laudem Germanorum, quia sint artis impressoriae inventores.
Bebel, Opuscula nova 4.2
Unproofread scanNot analysed yet
Laude condigna venerare Vatum
Turba Germanos, studio sagaci
Scripta qui quondam renovare norunt
Arte premendi.
Aere quia quisquis modico parare
Optimos possit veterum libellos
Hoc decit nobis merito colendus
Teutonus orbis.
Cuncta doctorum monumenta Vatum
Gesta magnorum pariterque regum
Gente nunc vastum Latia per orbem
Missa leguntur.
Iam Maro Solis gemino cubili
Notus, Hispanis, calidis et Indis
Sarmatis, Mauris, simul et caterva
Cetera Vatum.
Ergo laudandus venies per aevum
Teutono cunctis populis in orbe
Aspicit quosquo volucri quadriga
Phoebus equorum.
Ante cum plaustro gelido bootes
Aequor undosum bibet occidendo
Quam tua in fatum subeat supremum
Inclita fama.