Latin
48.628.308 to 48.628.339
Benedict, Regula 48.628.308-339
Unproofread scanNot analysed yet
I. Ex his recensent Agnohaldum Landunensem, Acharium Noviomensem, Audomarum Tarvanensem, et Ragnacharium Augustanum episcopos, de quibus etiam Jonas in Vita sancti Eustasii, num. 5, quo quidem praeceptore adeo profecit Agilus, ut «liberalibus disciplinis enucleatius imbutus, multos sua facundia erudierit, plurimos catholicae fidei puritate illustrarit, nonnullos etiam luculentissimis documentis, postposita altitudinis pampa, sub professione sacrae religionis idoneos reddidit. »Neque vero saeculo duntaxat sexto sub Columbano, sed etiam septimo sub Walberto, Columbani post Eustasium successore, Luxovii floruerunt litterarum studia (Saec. ii Ben.) . Eo scilicet abbate, «tam in religionis apice quam etiam in perfectione doctrinae »prae omnibus Galliae monasteriis Luxoviense fulgebat coenobium, ut etiam ex aliis coenobiis eruditionis gratia monachi destinarentur, sicuti discimus ex Vita S. Frodoberti abbatis Cellensis n. 6. Hoc saeculo vigebant in praecipuis, si non in omnibus Galliae monasteriis scientiae: in Longoretico Francardus, ejusdem loci postea abbas, «erat nutritor et doctor filiorum nobilium, »ex visione Baronti n. 11. In Pictaviensi S. Hilarii Aicadrus, postea abbas Gemmeticensis (Ibid.) ,Ansfrido monacho, sapientia famosissimo, puer ad erudiendum traditus, ex ejus Vita cap. 1 (Ibid.) . In Solemniacensi, «susceptum B. Tillonem Elegius sancto Remaclo Solemniacensis monasterii sui abbati tradidit nutriendum atque litteris imbuendum. . . . qui sic tam saecularibus quam divinis institutionibus instruendum. . . . . suis semper aspectibus astare praecepit, »ex Vita S. Tillonis, n. 4 (Ibid.) . In Stabulensi «liberos suos liberalibus, imo monasticis instruendos disciplinis, »tradebant saeculares viri, ex Vita S. Hadelini n. 5 (Ibid.) . In Gemmeticensi «erat consuetudo (S. Filiberti) de monasterio circumquaque ad exhortandas animas fratres transmittere, »ex Vita S. Filiberti n. 20 (Ibid.) . Denique SS. Botulfus et Adulfus in Gallia monachi «non solum doceri, sed ex gratia Dei inter perfectiores potestatem adepti sunt docendi, »ex Vita S. Botulti n. 2 (Saec. iii Ben.) . Quo…t hic de Galliae monasteriis asserimus, idem de Anglicanis multis potest exemplis confirmari, nimirum saeculo vii Theodorus ex monacho Cantuariensis episcopus, et Adrianus abbas (Saec.