Latin
Chapter 50
Benedict, Regula 50.2
Unproofread scanNot analysed yet
COMMENTARIUS. Fratres qui omnino longe sunt in labore.] Id est, qui valde distantes ab oratorio et monasterio laborant. Et non possunt occurrere hora competenti ad oratorium.] Scilicet ante gloriam primi psalmi, ut loquuntur Bernardus Cassinensis, Nicolaus de Fractura, et Boherius. Et abbas hoc perpendit.] Haec perpensio notitia est et licentia, vel auctoritate Regulae, vel abbatis sermone fratri laboranti concessa: potest enim abbas ita dicere in generali: Frater qui tot passibus, vel stadiis, vel usque ad tales terminos distat ab oratorio, non teneatur ad tales horas ad oratorium venire, »inquiunt iterum Bernardus Cassinensis et Bohe…ius.