Latin
Chapter 8
Benedict, Regula 8.30
Unproofread scanNot analysed yet
Non defuerunt tamen ex priscis monachis, quamvis pauci, qui post nocturnum officium somno indulgere permiserunt, puta S. Isidorum in Regulae cap. 6, et Magistrum item Regulae cap. 44. Idque usu receptum fuisse circa finem saeculi sexti in Reomensi S. Joannis monasterio colligimus ex libro de Translatione et miraculis ejus, n. 1; sed et S. Galli abbatis discipulos post tuborem matutinalis officii quiescendi gratia tectos revisisse auctor est Walfridus in Vita S. Gadi cap. 26 (Saec. ii). Similiter S. Geremarus abbas Flaviacensis completo officio revertens in dormitorium in stratu suo collocare se consueverat, ut habent ejus acta n. 14. Idem viguisse in Longoretico monasterio discimus ex Visione Baronti, n. 7, saeculo ii Bened. ; in Pauliacensi sanctimonialium ex Vita S. Austrobertae, n. 15, saec. iii, part, i; in Lindisfarnensi ex Carmine Ethilvulfi monachi cap. 10, 21, 22; in monasterio S. Corbiniani ex ejus Vita auctore Aribone n. 3, denique in Suessionensi B. M. Parthenone al is in ecclesia vigiliis et orationibus insistentibus, aliae post nocturnum officiuin dormire permittebantur ex Vita S. Drausii episc. ,n. 17, apud Bolland. ,5 Martii. Sed haec …erae indulgentiae, et praeter Regulam S. Benedicti, quae nullum post vigilias somnum concedit.