Latin
commentarius.520.58 to commentarius.520.72
Benedict, Regula commentarius.520.58-72
Unproofread scanNot analysed yet
Pater noster, inquit, instituit duo cocta pulmentaria in quotidi…na refectione fratribus praeparari, et tertium de leguminibus crudis aqua infusis. Nos vero ex institutione majorum nostrorum tria cocta pulmentaria aliis diebus, quarta et sexta feria duo tantum reficiendis fratribus praeparamus. . . Die veto dominico et in festivitatibus praecipuis etiam quartum addimus pulmentum, except…s secunda, quarta et sexta feriis. »Simili modo…m Fuldensi monasterio Venetahilis Eigil, testante Candido ejus discipulo (In ejus Vita, saec. iv Ben.) ,in die anniversaria Sturmii abbatis, «ob reverentiam tantae solemnitatis, secundum congruentiam monasticae vitae, ad victum fraternum cultius quid solito jucundiusque fieri demandavit. »In antiquis etiam Floriacensis monasterii Consuetudinibus ad diem Paschae legitur: «Ad prandium debemus habere tria fercula, primum ova larsa, secundum pisces, tertium saepias et porrectam ab hortulano, et a pistrinario bracellos et pittantiam de optimo vino a custode vini, et sero gastellos. »Denique in mss. Romani S. Pauli monasterii Consuetudinibus ad paschalem refectionem triplex praeter solitum potionis propinatio praescribitur, prima a conversis, secunda a diaconis, tertia a sacerdotibus ministranda, «non tam pro gula et ebrietate explenda, quam pro charitate tenenda, et ob amorem Christi. »Idque fieri posse arbitramur auctoritate Hildeinari in expositione Regulae. Remota prae omnibus crapula, etc.] Crapula est supera bundantia sive superfluitas eiborum, diciturque crapula, quasi cruda e…ula, cujus cruditate cor gravatur, et stomachus indigestus efficitur. Pueris vero minori aetate non eadem servetur quantitas, sed minor quam majoribus.] «Tum quia nec tantum potest comedere puer quantum adolescens et juvenis; tum etiam quia ad prandium jejuni non veniunt, cum horas canonicas habeant praevenire, »inquit Boherius in primo comment. S. Benedicto concinit Magister in Regula, statuens ut «m…noribus a duodecim annis minus a libra panis in die sufficiat.