urn:cts:latinLit:phi0474.phi056.perseus-lat2, Book 13, Letter 3

A. Fufium, unum ex meis intimis observantissimum studiosissimumque nostri, eruditum hominem et summa humanitate tuaque amicitia dignissimum, velim ita tractes ut mihi coram recepisti. tam gratum mihi id erit quam quod gratissimum; ipsum praeterea summo officio et summa observantia tibi in perpetuum devinxeris.