urn:cts:latinLit:phi0474.phi056.perseus-lat2, Book 8, Letter 12

conturbat me mora servi huius qui tibi litteras attulit; nam acceptis prioribus litteris amplius dies quadraginta mansit. quid tibi scribam nescio. scis Domitio comitiorum diem timori esse. te exspecto valde et quam primum videre cupio. A te peto ut meas iniurias proinde doleas, ut me existimas et dolere et ulcisci tuas solere.