urn:cts:latinLit:phi0474.phi049.perseus-lat2, Book 2

adflictusne et iacens et lamentabili voce deplorans audieris: o virum fortem! ? te vero ita adfectum ne virum quidem quisquam dixerit. amittenda igitur fortitudo est aut sepeliendus dolor. Ecquid scis igitur, si quid de Corinthiis tuis amiseris, posse habere te reliquam supellectilem salvam, virtutem autem si unam amiseris—etsi amitti non potest virtus, sed si unam confessus eris te non habere, nullam esse te habiturum?