Latin · ~1 min
urn:cts:latinLit:phi0474.phi049.perseus-lat2, Book 3
Cicero, Tusculanae Disputationes 3.39
Not analysed yet
huiusne vitae propositio et cogitatio aut Thyestem levare poterit aut Aeetam, de quo paulo ante dixi, aut Telamonem pulsum patria exulantem atque egentem? in quo haec admiratio fiebat: Hícine est ille Télamon, modo quem glória ad caelum éxtulit, Quem áspectabant, cuíus ob os Grai óra obvertebánt sua?