Latin
FINIS LIBRI PRIMI
George Buchanan, Sphaera 39
Unproofread scanNot analysed yet
Diuideret, toties reduces cum sole tenebrae
Omnia turbarent operum momenta, nec aestas
Concoqueret fruges, nec dulces pallor in vuas
Serperet, &lentè mitesceret aceramaror.
Gleba nec exiguo putrescens frigore venis
Imbiberet cupidis genitales aetheris imbres,
Nec breue ver blandos florum spiraret odores,
Sed properata aestas veris spoliaret honorem,
Pelleret aestatem autumnus, dum meßis in herba
Turgeret: deformis hyems infirma necaret
Semina, solliciti spem deceptura coloni.
Ergo ille aetherij clemens moderator Olympi,
Ad varios hominum dum sese accommodat vsus,
Orbibus extremis celeres absoluere motus
Posse dedit, sed quos visus non sentit acumen,
Dißita tam longo spatio dum sidera spectat.
Ac dein paulatim motu interiore repressus
Impetus, &tardo flexu, quae citima fulgent
Lumina, quaeque suos tali discrimine cursus
Deproperant, oculis vt nec spectantibus obsint,
Nec turbent hominum nimiùm properata labores.
Sic spatium nouies ternis quod Luna diebus
Conficit, hoc vno peragit Sol aureus anno,
Assequiturque iterum germanam iterumque relinquit,
Lunaremque suis claudit congreßibus annum.
Mensibus octonis ter Mars velocior orbem
Assequitur Solis, duodenis Iuppiter annis,
Saturnus totidem, si ter sex insuper addas.
finge
Quo magis hoc animo poßis comprendere
Esse simul cunctos Tauri sub fronte planetas,
Molirique suos non aequo tramite gressus.
Quo lenta se quisque magis vertigine torquet,
Longiùs à Tauro spatio breuiore recedet.
Ac citiùs rursum occurret ter Luna nouenis
Lucibus, &claro Tauri sub fronte micabit:
Quò vix perueniet longo Sol aureus anno,
Mars geminis brumis, post bis sex Iuppiter aestus,