Latin
18
Grospré Robert, Regimen sanitatis 18
Unproofread scanNot analysed yet
Est phlegma salsum, calidum &siccum, valde infectum humore cholerico. Est &dulce pertinens ad caliditatem &humiditatem, infectum melancho lico humore. Est &vitreum quod nascitur ex frigiditate magna, vt patet in senibus calore naturali destitutis. Phlegmaticus est somnolem tus, piger sputaminis plenus: hinc &hebes, pinguis, colore albus. ¶Melancholia siue cholera nigra, est humor spissus, grossus, ex fece &turbulentia sanguinis generatus, quemadmodum feces in vino generantur. Melancholia si corrupta fuerit, inducit cancrum, lępram, ac morbum hispanicum. Melancholicus est inuidus, tristis, tenax, cupidus, non expers fraudis, timidus, luteique coloris. ¶De capite, cerebro, stomacho, corde, epate, pulmone, splene, &intestininis, cap. 21. CAput ab aliquibus nominatur supremus venter, quia ibi sensus initium capiunt, quod Graeci κέραλὴ dicunt. Et iam hoc totum pro capite sumitur, quod collo sustentatur, in quo membra animata continentur. Hic venter in homine est insignis, propter ipsius contentum, qui partes habet communes, &proprias. Communium alia est ante, alia post, alia lateralis: alia superius, alia inferius. Pars anterior sinciput vocatur: posterior occiput: laterales, tempora, &aurium locus dicuntur: pars superior dicitur anterciput. Partes propriè aliae sunt continentes, alię contentae: continentes sunt, omnes partes exteriores: sed primò pili, qui tamen non sunt numerandi in partibus capitis, nisi impropriè. Secundo, cutis quae est grossa, aliquantisper carnea, vt in ipsa bene firmentur pili. Sub cute est diminuta caro, vel nulla, excepta fronte &temporibus. Post cutem &carnem, est paniculus circundans totum os capitis, dictum gręce περικράνιον &Arabice almocatim, ab aliquibus circumossalis membrana. Post pericraneum sequitur os illud capitis, calua &testa à latinis dictum &graece craneum siue cranion, quia durum. Capilli generantur gratia materię vaporosae eleuatae à toto corpore ad caput, tanquam superfluitates propter calorem totius &inde fiunt pili capitis. Capilli dicti gratia finis, quia sunt ad decorem, vt aliquibus placet, &vt tueatur caput à multis incommodis. Caput bene dispositum non debet esse nimis magnum nec nimis paruum, sed mediocre, secundum pro portionem corporis. Nam paruum caput, significat defectum materiae, debilitatemque virtutis formatiuae. Cerebrum habet tres ventriculos, in cuius sincipiti vel prora, est sensus communis, vbi simulachra per sensus apprehensa repręsentantur. In medio ventricu lo vel carina, discursus fit ad capescendas deliberationes. In occipiti est memoria, in qua rerum pręteritarum simulachra reseruantur.