Latin · ~3 min
Poem 3502
Gwinne, Act V.1 3502
Not analysed yet
FLAV. Caium senex
mollisque potuit Chaerea: et Brutos duos
hic esse, et in me Cassios credas duos.
satis unus.
RUF. at non unus audebis: praeest
praefectus, a Nerone qui primas tenet;
Sulpicius et adest centurio: Granius tibi
et Statius; illi Scaurus et Paulus pares.
sed cum premetur tibi Nero, quis haeres erit?
ASPER odium Neronis, inque Pisonem favor,
iam concitavit milites, equites, patres.
FLAV. egregius haeres: quam nihil probro refert
citharaedus ut subinde moveatur loco,
tragoedus et successor in scena regat!
quem nulla virtus, aliqua si species, probat;
luxus, voluptas in scelera pronum ferent.
sed age, Neronem Piso premat, illum statim
nos opprimamus, Seneca ut imperium gerat,
sapiens, modestus, gratus, opulentus, potens.
Intervenit Natalis.