Latin · ~3 min
Poem V.3
Gwinne, Act V.1 V.3
Not analysed yet
Actus V, scena 3 [Actus I, scena 3]
SENECA, PAULINA, CLEONICUS
SEN. potestne fieri? credat hoc quisquam? iubet
Nero, venenum mihi meus praesens ferat
libertus?
CLEO. at te liberat ab illo tuus
libertus.
PAUL. animam liberat fidus suam.
CLEO. prior in patronum, in principem minor est fides.
virtus patroni principis vicit scelus.
male mos geratur pessimo, mors optimo
ut ingeratur: egomet o moriar prius!
PAUL. pietas superbos deserit, ad humiles venit.
SEN. huc signa amoris, oscula, amplexus, manus?
CLEO. amplexus angit. osculum afflatu inficit:
manus illa panem ostendit, haec lapidem tenet.
SEN. citius peribit?
PAUL. citius et pereat nocens,
quam non nocenti noceat.