Latin
Fasti, lines 1.1.833-1.1.847
Hydatius, Fasti 1.1.833-847
Not analysed yet
384 Ricomere et Clearcho. His conss. introierunt Constantinopolim legati Persarum. Ipso anno natus est Honorius nob. in purpuris die V idus Septemb.
385 Arcadio Aug. et Bautone.
386 Honorio nob. et Evodio. His conss. victi atque expugnati, et in Romania captivi adducti gens Greothyngorum a nostris Theodosio et Arcadio: deinde cum victoria et triumpho ingressi sunt Constantinopolim die IV idus Octob.
387 Valerio [Al. Valentiniano] III et Eutropio. His conss. Quinquennalia Arcadius Aug. propria cum Theodosio Aug. patre suo editionibus ludisque celebravit die decimo septimo kalend. Februar.
388 Theodosio Aug. II et Cynegio. His conss. defunctus est Cynegius praefectus Orientis in consulatu suo Constantinopoli. Hic universas provincias longi temporis tabe deceptas in statum pristinum revocavit, et usque ad Aegyptum penetravit, et simulacra gentium evertit. Unde cum magno fletu totius populi civitatis deductum est corpus ejus ad Apostolos die XXV kal. April. Et post annum transtulit eum matrona ejus Achantia ad Hispanias pedestre. Et ipso anno occiditur hostis publicus Maximus tyrannus a Theodosio Aug. in milliario III de Aquileia die V kal. Aug. Sed et filius ejus Victor occiditur post paucos dies in Galliis a comite Theodosii Augusti.
389 Timasio et Promoto. His conss. introivit Theodosius Aug. in urbem Romam cum Honorio filio suo die iduum Juniarum, et dedit congiarium Romanis.
390 Valentiniano IV et Neuterio [Al. Neoterio].
391 Tatiano et Symmacho.
392 [Aer. Hisp. 430.] Arcadio Aug. II et Rufino. His conss. Valentinianus junior apud Viennam est interfectus, et levavit se Eugenius tyrannus. Postmodum Theodosius Aug. occidit Eugenium.
393 Theodosio Aug. III et Abundantio.
394 Arcadio Aug. III et Honorio Aug. II.
395 Olybrio et Probino. His conss. recessit apud Mediolanum Theodosius Aug.
396 Arcadio Aug. IV et Honorio Aug. III.
397 Attico et Caesario.
398 Honorio Aug. IV et Eutychiano. His conss. Gildo occisus.