Latin
CAPUT DECIMUM TERTIUM
Jacques Rohault, Physica 83
Unproofread scanNot analysed yet
Cerebrum est capitis viscus molle, album, ventriculis praeditum, ad spirituum animalium generationem, motum sensumque factum. Substantia ejus duplex est: vel Corticalis vel Medullaris. Dividitur in cerebrum &cerebellum, quae binis meningibus conteguntur. Ventriculi in cerebro sunt vel anteriores, ampla satis &insigni cavitate praediti, vel posteriores, cùm unicus tantùm conspiciendus revera sit, &septo lucido, variisque protuberantiis distinguantur. Glandula pinealis quarto insidet ventriculo, radicibus medullaribus quatuor, in quas omnes nervi terminantur, suffulta. Haec externorum objectorum impressiones excipit, &anima hic residens omnes ideas, quae à sensibus proficiscuntur, tanquam in centro apprehendit, tandemque spiritus in nervis ad varios motus determinat. Nervi sunt organa longa teretia, nullaque cavitate, quae sensu dignosci queat, instructa, continendo ac deducendo spiritui animali dicata. 22. Horum in universum sunt quadraginta duo paria, quorum alia à cerebro, alia à spinali medulla procedunt. A cerebro paria duodecim derivari statuunt, novem videlicet nominata, &tria innominata: 1. Olfactorius. 2. Opticus. 3. Oculorum motorius. 4. Patheticus. 5. Linguae gustatorius. 6. Annularis. 7. Auditorius. 8. Vagus. 9. Accessorius. 10. II. 12.