Latin
Eusebii Pamphili Canon Chronicus, « Dcccx
Jerome, Chronicum 486
Unproofread scanNot analysed yet
i Nero Romæ cithara contendens superat. Nero tantae luxuriae fuit, ut frigidis et calidis lavaretur unguentis, retibusque aureis piscaretur, quae purpureis funibus extrahebat. a Terremotus Romæ, et solis defectio. b Jacobus frater Domini, quem omnes Justum appellabant, a Judaeis lapidibus opprimitur, in cujus thronum Simeon, qui et Simon, secundus assumitur. c Post Marcum evangelistam primus Alexandrinae Ecclesiae ordinatur episcopus Anianus, qui praefuit annis XXII. (Arm. XXVI.) Persius moritur anno ætatis suae XXIX. e Nero Romae in cithararum agone contendens cunctos superat. 'Thermæ a Nerone ædificatæ, quas Neronianas appellavit. d Ante mensam Neronis fulmen cecidit. f Albino præses Florus successit: sub quo Judaei contra Romanos rebellarunt. g In Asia tres urbes terremotu conciderunt, Laodicea, Hierapolis, Colossæ. Junius Gallio, frater Senecæ, egregius declamator, propria se manu interfecit. M. Annaeus Lucanus Cordubensis poeta, in Pisoniana conjuratione deprehensus, brachium ad secandas venas medico praebuit. Nero, ut similitudinem Trojae ardentis cerneret, plurimam partem Romanae urbis incendit. h Nero cum caeteris viris insignibus et Octaviam uxorem suam interficit, Cornutumque philosophum, praeceptorem Persii, in exsilium fugat. Multi nobilium a Nerone Romae interfecti. Nero in Olympiade coronatur cerycas, citharistas, tragoedos, aurigas, vario certamine superans. Duae tantum provinciae sub Nerone factae, Pontus Polemoniacus. et Alpes Cottiae, Cottio rege defuncto. i Post Petrum primus Romanam Ecclesiam tenuit Linus annis duodecim. L. Annaeus Seneca Cordubensis, praeceptor Neronis et patruus Lucani poetæ, incisione venarum et veneno hausto periit. k Musonius et Plutarchus philosophi insignes habentur. I Rursum Nero Isthmia, Pythia, Actia celebrans inter cerycas, tragoedos et citharistas coronatur. Quidiun codices habent, qwod. cexi olympias acta non est, Nerone in suam praesentiam diflereate. Neroni in macelli expensas centies centena millia decreto senatus annua subministrantur. m Primus Nero super omnia scelera sua etiam persecutionem in. Christianos facit, in qua Petrus et Paulus gloriose Romæ occubuerunt.