Latin · ~1 min
Poem de
Landor, Dry Sticks Fagoted, 1858 de-4
Not analysed yet
DE TRIBUS PRAECIPUIS ORATIONIBUS
Mercurius fuit usque suis malefidus alumnis;
Eloquium haud valuit cum probitate pari.
Aurea fracta vides ferro Demosthenis arma;
Pro rostris Tulli lingua cruenta silet.
Cossuthum patrio rex perfidus expulit Istro,
Angliaque ignavo suscipit hospitio.
Lingua diserta suas poenas dedit, altaque virtus
Addidit. Et vetitum est, hic quoque, vera loqui?