Latin · ~4 min
Lines pudoris.174-pudoris.197
Landor, Simonidea, 1806 pudoris.174-197
Not analysed yet
Hunc interpellat iuvenis: Me Sparta domusque
Penelopes retinere die natalis amantem
Et merito potuere ; sed est pater, est mihi tellus,
Est populus, neque neglecti sine crimine Divi.
Si pius es, pater inclamat, mihi cede volentem,
Elegat, ille refert: audito pallida vnltum
Penelope defigit humi, sed dextera vestem
Arcta viri tenet et singultu pectora surgunt.
Elige, ait genitor, carae reminiscere matris,
Et miseresce mei. Torquentur corda silenti
Dum iubet: ast ultro silet, aeternumque sileret.
Quin loqueris, mea Penelope! Vis? inquit Ulyxes.
Avertens, liquit patris in cervice lacertum,
Obductoque tegens humentia lumina velo,
Debile cum gemitu collum inclinavit amanti.
Laetior inde redux intratque superbior aedes
Icarius; properant praebere solatia damni
Invidiaque patres studioque tuentur amico:
Inde, puellarum circum plaudente corona,
(Cur aberas, Helena!) stat cespitis ara Pudori.
*Procacia . Verbo usus sum tantummodo ut defenderem, auda x ,aud acia vel acitas ; ferox, ocia vel ocitas. Si paucorum in scriptis est, in omnium esse posset, poetarum. Scripseram antea Et puero petulantia.
**Veterum solae placuit, vetula loquente: stabat solo sub litore.