Latin · ~2 min
Lines 1.423-1.434
May, Liber Septimus 1.423-434
Not analysed yet
Interea tacito secum haec in pectore volvens:
"Hoc saltem, Fortuna, placet, quod nulla superbo
"Victori capitis nostri est concessa potestas,
"Nec domini jussu pereo. Mactatus iniquis
"Insidiis, quas Roma mihi subjecta paravit,
"Occumbo princeps orbis, numerumque Deorum
"Aucturus posthac." Tandem, per vulnera mille,
Spiritus erumpit: saevis qui semper in armis
Inviolatus erat, violatae victima pacis
Hîc cadit: atque togae, quas bello laeserat, aedes
Ipse suo moriens perfundit sanguine Caesar.
Thomas May Neo-Latin The Latin Library The Classics Page