Latin
ENUMERATIO
Newton, Optice 2
Unproofread scanNot analysed yet
Nam si rectae plures parallelae &ad conicam sectionem utrinque terminatae ducantur, recta duas carum bisecans bisecabit alias omnes, ideoque dicitur Diameter figurae &rectae bisectae dicuntur Ordinatim applicatae ad Diametrum, &concursus omnium Diametrorum est Centrum figurae, &intersectio Curvae &diametri Vertex nominatur, &diameter illa Axis est cui ordinatim applicatae insistunt ad angulos rectos. Et ad eundem modum in Curvis secundi generis, si rectae duae quaevis parallelae ducantur occurrentes Curvae in tribus punctis: recta quae ita secat has parallelas ut summa duarum partium ex uno secantis latere ad curvam terminatarum aequetur parti tertiae ex altero latere ad curvam terminatae, eodem modo secabit omnes alias his parallelas curvaeque in tribus punctis occurrentes rectas, hoc est, ita ut summa partium duarum ex uno ipsius latere semper aequetur parti tertiae ex altero latere. Has itaque tres partes quae hinc inde aequantur, Ordinatim applicatas, &rectam secantem cui ordinatim applicantur Diametrum, &intersectionem diametri &curvae Verticem, &concursum duarum diametrorum Centrum nominare licet. Diameter autem ad Ordinatas rectangula si modo aliqua sit, etiam Axis dici potest, &ubi omnes diametri in eodem puncto concurrunt istud erit Centrum generale. HyperIV. Hyperbola primi generis duas Asymptotos, ea seAsymptoti &cundi tres, ea tertii quatuor &non plures habere pO-earum proprietatest, &sic in reliquis.