Latin
LIBER TERTIUS
Newton, Optice 293
Unproofread scanNot analysed yet
olluvivini mei inoiam iususdao obu tOO Cum praemissas Observationes facerem, statueram mecum plerasque earum majori cum accuratione iterare, aliasque aliquas de novo insuper adjicere; quo id nimirum exploratum tandem haberemus, quem in modum &qua ratione Radii Luminis Inflectantur inter Transeundum prope Corporum omnium Extrema, ad conficiendas Fimbrias illas coloratas cum lineis suis obscuris interjectis. Verum ab hisce studiis Tum forte Avocatus sum; &non possum id Nunc in Animum meum inducere, ut ad studia haec intermissa iterum me referam. Quare, cum hanc Instituti mei partem non absolverim, Concludam, Proponendo solummodo Quaestiones aliquas, quibus Alii postea in hac Materia ulterius prosequenda dirigi queant. Quaestio 1. Annon Corpora Agunt in Lumen, interjecto aliquo intervallo; suaque illa Actione, Radios ejus Inflectuut? Eoque fortior (caeteris Paribus) est illa Actio, quo id intervallum est Minus? Qu. 2. Annon Radii, qui differunt inter se Refrangibilitate, iidem Flexibilitate quoque inter se differunt? &diversis suis singulorum Inflexionibus ita porro a se invicem Separantur, ut Ordinatim exinde in ternas illas Fimbrias coloratas digerantur, supra memoratas? Item, Quemnam in Modum Inflectuntur Radii, ad Fimbrias illas conformandas? Qu. 3. Annon Radii Luminis, inter Transeundum prope Corporum Extremitates, Inflectuntur saepius ultro citroque, Motu quodam undante ac sinuoso? Ternaeque Luminis colorati Fimbriae supra memoratae, ex ternis istiusmodi Inflexionibus oriuntur? Qu. 4. Annon Radii Luminis, qui, in Corpora Incidentes, Reflectuntur vel Refringuntur, Inflecti incipiunt antequam ad Corpora ipsa perveniunt?