Latin
PROP. III. THEOR. III
Newton, Optice 55
Unproofread scanNot analysed yet
Hoc pacto, ex rotundis foraminis Imaginibus, quales sunt ag, b h, ci, &c, oblongam Imaginem qualis est p1, formare solebam: Et ampliando aut minuendo foramen in fenestrae operculo, efficiebam ut rotundae Imagines a g, b h, ci, &c, ex quibus oblonga ea Imago composita erat, dilatarentur aut contraherentur, ut mihi libitum esset; Indeque ut Radiorum mixtura in Imagine pt tam magna tamve parva esset, quam ipse cuperem. Illustratio. In Schemate 2410, F repraesentat rotun dum Foramen in fenestrae operculo; MN Lentem, qua Imago istius Foraminis distincte super chartam I depicta exhibetur; AB C Prisma, quo Radii, simul ut e Lente emerserint, refringuntur ab I ad aliam chartam p t; ibique rotunda Imago I convertitur in oblongam Imaginem pt. Ea Imago pt, constat ex Circulis in una eademque linea recta Ordine continuo dispositis; quomodo in quinto supra Experimento satis explicatum est. Qui quidem Circuli, aequales sunt Circulo I; &consequenter Foramini F magnitudine respondent. Quamobrem minuendo id Foramen, hi Circuli, iisdem adhuc manentibus Centrorum intervallis, in quam libuerit parvitatem Contrahi poterunt. Atque hoc quidem pacto effeci, ut Latitudo Imaginis istius pt, quadraginta vel etiam sexaginta interdum aut septuaginta partibus superaretur Longitudine sua. Exempli gratia: Si Latitudo Foraminis F, sit10 Unciae; &MF, intervallum quo Foramen &Lens inter se distant, sit 12 Pedum; &yB aut p M, distantia Imaginis pt a Prismate aut Lente, sit 10 Pedum; &Angulus Refringens Prismatis, 62 graduum: utique Latitudo Imaginis pt erit2 Unciae, Longitudo autem ejus circiter sex ipsas Uncias complectetur.