Latin
AXTOMATA
Newton, Optice 9
Unproofread scanNot analysed yet
Verntu habeant, quam habet Sinuum Incidentiae &Refractionis is qui minor fuerit, ad differentiam ipsorum Sinuum. Tum si in eadem linea inveniantur duo quaevis puncta Q &q, ita ut TQ sit ad ET, ut Et ad tq; (sumendo tq in contrarias partes a punctot, ac TQ a puncto T;) &punctum Q sit Focus radiorum incidentium; punctum q erit Focus refractorum. Porro, eodem modo Focus Radiorum bis vel saepius reflexorum aut refractorum, inveniri poterit. Fig. Cas. 4. Sit ACBD Lens refringens, Sphaerice convexa aut concava, aut plana utravis superficie; sitque CD Axis ipsius; (hoc est, linea quae utramque ejus superficiem ad perpendiculum secet, &per Centra Sphaerarum transeat;) inque hoc Axi sint F &f radiorum refractorum Foci ratione supra exposita inventi, cum radii Incidentes ex utraque parte Lentis sint Axi eidem paralleli; &diametro F f bisecto in E describatur Circulus. Finge jam quodvis punctum Q Focum esse radiorum incidentium. Duc QE, quae secet circulum praedictum in punctis T &t; in eaque sume tq, quae eam proportionem habeat ad tE, quam habet ipsa t Esive TE ad TQ. Sit tq a contrariis partibus puncti t, ac TQ a puncto T; &q erit radiorum refractorum Focus, sine errore sensibili; modo punctum Q non tanto intervallo ab Axe distet, nec Lens ipsa adeo lata sit, ut radiorum nonnulli in superficies refringentes nimio plus obliqui incidant.