Latin · ~2 min
Act 2
Plautus, Casina 2.7
Not analysed yet
Si nunc me suspendam, meam operam luserim
et praeter operam restim sumpti fecerim
et meis inimicis voluptatem creaverim.
quid opus est, qui sic mortuos? equidem tamen
sorti sum victus, Casina nubet vilico.
atque id non tam aegrest iam, vicisse vilicum,
quam id expetivisse opere tam magno senem,
ne ea mihi daretur atque ut illi nuberet.
ut illé trepidabat, ut festinabat miser;
ut sussultabat, postquam vicit vilicus.
attat, concedam huc, audio aperiri foris,
mei benevolentes atque amici prodeunt.
hinc ex insidiis hisce ego insidias dabo.