Latin · ~3 min
Act 1, lines 1.1.79b-1.1.95b
Plautus, Curculio 1.1.79b-95b
Not analysed yet
Quid opust verbis? vinosissima est;
eaque extemplo ubi ego vino has conspersi fores,
de odore adesse me scit, aperit ilico.
Eine hic cum vino sinus fertur?
Nisi nevis.
Nolo hercle, nam istunc qui fert afflictum velim;
ego nobis afferri cénsui.
Quin tu taces?
si quid super illi fuerit, id nobis sat est.
Quisnam istic fluviust, quem non recipiat mare?
Sequere hac, Palinure, me ad fores, fi mi obsequens.
Ita faciam.
Agite bibite, festivae fores;
potate, fite mihi volentes propitiae.
Voltisne olivas pulpamentum capparim?
Exsuscitate vostram huc custodem mihi.
Profundis vinum: quae te res agitant?
Sine.
viden út aperiuntur aedes festivissumae?
num muttit cardo? est lepidus.
Quin das savium?
Tace, occultemus lumen et vocem.
Licet.