Latin · ~2 min
Act 4
Plautus, Menaechmi 4.1
Not analysed yet
Egone hic me patiar frustra in matrimonio,
ubi vir compilet clanculum quidquid domist
atque ea ad amicam deferat?
Quin tu taces?
manufesto faxo iam opprimes: sequere hac modo.
pallam ad phrygionem cum corona ébrius
ferebat, hodie tibi quam surrupuit domo.
sed eccám coronam quám habuit. num mentior?
em hac ábiit, si vis persequi vestigiis.
atque edepol eccum óptume revortitur;
sed pallam non fert.
Quid ego nunc cum illoc agam?
Idem quod semper: male habeas; sic censeo.
huc concedamus: ex insidiis aucupa.