Latin · ~2 min
Act 4, lines 4.6.1277b-4.6.1283c
Plautus, Miles Gloriosus 4.6.1277b-1283c
Not analysed yet
Qui id facere potuit?
Quia aedís dotalis huius sunt.
Itane?
Ita pol.
Iube domum ire.
iam ego illi ero.
Vide né sies in exspectatione,
ne illam animi excrucies.
Non ero profecto. abite.
Abimus. —
Sed quid ego video?
Quid vides?
Nescio quis eccum incedit
ornatu quidem thalassico.
It ad nos, volt te profecto.
nauclerus hic quidem est.
Videlicet accersit hanc iam.
Credo.