Latin · ~2 min
Act 1, lines 1.3.159b-1.3.167
Plautus, Persa 1.3.159b-167
Not analysed yet
Abs chorago sumito;
dare debet: praebenda aediles locaverunt.
Iam faxo hic aderunt. sed ego nihil horunc scio.
Nihil hercle vero. nam ubi ego argentum accepero,
continuo tu illam a lenone adserito manu.
Sibi habeat, si non extemplo ab eo abduxero. —
Abi et istuc cura. interibi egó puerum volo
mittere ad amicam meam, út habeat animum bonum,
me esse effecturum hoc hodie. nimis longum loquor. —