Latin · ~2 min
Act 2, lines 2.2.656-2.2.666
Plautus, Pseudolus 2.2.656-666
Not analysed yet
Pol te multo magis opinor vasa ahena ex aedibus.
Non ita est. sed scin quid te oro, Sure?
Sciam si dixeris.
Ego devortor extra portam huc in tabernam tertiam,
apud anum illam doliarem, claudam crassam, Chrysidem.
Quid nunc vis?
Inde ut me arcessas, erus tuos ubi venerit.
Tuo arbitratu, maxume.
Nam ut lassus veni de via,
me volo curare.
Sane sapis et consilium placet.
sed vide sís ne in quaestione sis, quando arcessam, mihi.
Quin ubi prandero, dabo operam somno.
Sane censeo.
Numquid vis?
Dormitum ut abeas.
Abeo. —
Atque audin, Harpage?
iube sis te operiri: beatus éris, si consudaveris.