Latin · ~3 min
Act 4, lines 4.3.1032-4.3.1044
Plautus, Rudens 4.3.1032-1044
Not analysed yet
Mane, dum refero condicionem.
Te, opsecro hercle, aufer modo.
Ecquem in his locis novisti?
Oportet vicinos meos.
Vbi tu hic habitas?
Porro illic longe usque in campis ultimis.
Vin qui in hac villa habitat, eius arbitratu fieri?
Paulisper remitte restem, dum concedo et consulo.
Fiat.
Euge, salva res est, praeda haec perpetua est mea;
ad meum erum arbitrum vocat me hic intra praesepis meas:
numquam hercle hodie abiudicabit ab suo triobolum.
ne iste haud scit quam condicionem tetulerit. íbo ad arbitrum.
Quid igitur?
Quamquam istuc esse ius meum certo scio,
fiat istuc potius, quam nunc pugnem tecum.
Nunc places.
Quamquam ad ignotum arbitrum me appellis, si adhibebit fidem,
etsist ignotus, notus: si non, notus ignotissimust.