Latin · ~1 min
Lines 2.573-2.584
Prudentius, Liber Peristephanon 2.573-584
Not analysed yet
hos inter, o Christi decus,
audi poetam rusticum
cordis fatentem crimina
et facta prodentem sua.
indignus, agnosco et scio,
quem Christus ipse exaudiat,
sed per patronos martyras
potest medellam consequi.
audi benignus supplicem
Christi reum Prudentium,
et servientem corpori
absolve vinclis saeculi.