Latin · Dactylic hexameter
LIBER SECVNDVS
Raphael Thorius, Hymnus tabaci 28
Unproofread scanNot analysed yet
LIB. II.
DE PA
Pallor inest, oculique latent, discrimina nasum
Nulla genasque inter; facies vesica videtur:
Tempora nuda pilis, putri labra turgida tabo
Et nigro trepidi promanant sanguine dentes.
Vix animam trahitis, nervis attollere costas
Non datur, injecto ceu pondere pectus anhelat:
Est piger excussis genibus gradus, &dapis almae
Nullus amor, sed humi juvat edormire veternum.
Hanc situs, &nunquam soli nec pervia ventis
Antra dedere luem, spurcoque obsonia succos
At magis ira Deum mensis accensa nefandis
Intulit immundam resoluto robore pestem
Et jam barbariem luitis, potumque cruorem
Redditis impuro, qui vos infecerat, ore,
Vt moniti quaeratis opem: sed nec bona vestra
Nec mala novistis; tantus stupor occupat aegros.
Cernitis accenso prognatum pulvere fumum
Nare venire Senis velut exhalante camino?
Pulvis hic herba fuit: vobis vicina Tabaca
Nomine vix noto clarum dedit insula nomen.
Hinc finem sperate malis: tu cane Magister,
Cui natura parens rerum momenta suarum
Credidit, ingenium remedi percurre, modumque
Nec differ miseris optatam afflare salutem.
Hic, paulum tubulo amoto, stammaque moratus
Magna jubes, dixit. si quae tamen auribus istis
Digna putas, dicam, detur modo vita, recensque