Latin
IN EIVSDEM
Raphael Thorius, Hymnus tabaci 57
Unproofread scanNot analysed yet
Ejusdem
HYEMS.
Mnicolae vates, clausis quos aedibus algor
Misit in exilium, duris &rebus egestas
Sedibus ignotis locupletum ad limina vilem
Mendicare jubet gemebundo carmine victum,
Incolumes si qui tanta de clade supersunt,
Pectore si quis adhuc niveo calor insitus haeret,
Dicite jejunum peregrini carmen olores.
Et me tangit hyems; noster quoque friget Apollo;
Forsitan &plectro frustra ostia celsa potentum
Pulsaret, miseras supplens nisi filius artes
Arte minus sterili vacuos sarciret hiatus,
Et, radiante pyra jusso fervere lebeti,
Vbere perfusos apponeret ungine caules:
Ille Patris citharam obtendens, dum bruma salubres
Publicat inducias, nostris &bella crumenis,
Ante focum impellit gelidos effundere versus.
Flat Boreas, albent montes, stant flumina ripis,
Fit nive nigra dies; Sol ipse in nubibus alget
Festinans cubitum, vel saltem algere videtur,
Cornibus illustrat dum Luna micantibus Orbem:
Barba gelu concreta sonat; flent lumina vento;
Interea ore strepunt dentes, rigor efferus ungues
Lancinat, &prohibet plenas emungere nares.