Latin · ~2 min

Book 1, Chapter 5

Seneca the Younger (Dialogues), stoa012 1.5.11

Not analysed yet

Haec cum audisset ille generosus adulescens : "Placet," inquit, "via ; escendo. Est tanti per ista ire casuro." Non desinit acrem animum metu territare : Utque viam teneas nulloque errore traharis, per tamen adversi gradieris cornua tauri Haemoniosque arcus violentique ora leonis. Post haec ait : "Iunge datos currus ! His quibus deterreri me putas incitor. Libet illic stare ubi ipse Sol trepidat." Humilis et inertis est tuta sectari; per alta virtus it.